pig House

第二次去桂林玩,今次系同班上既同学去,原先都唔系几想去,因为之前去过,但系谂到同自己班D人去会好玩D,再加上上次去比较仓促,无乜计划,留低佐好多遗憾,所以都系决定去多次~~~

 

我地系跟团去既,但系因为一个班太少人,组唔到团,所以就同埋另一个班一齐,但系两个班一齐既话就会产生好多分歧,因为大家都有自己既谂法,再加上跟团去都系玩到唔系几爽,所以我地系路上都好多分歧,搞到大家都唔系几开心

 

坐佐好耐车,应该有成七八个钟啦,终于到桂林,跟住就带我地去住宿既地方,哇,我地一去到一睇,顶,个唔知咩地方,荒凉到鬼甘,离市区好鬼死远,住房又差,真系无晒野讲,系个度搞佐好耐之后就坐车去市区,点知个导游一开始就带我地去埋D推销野既地方,但系之前都无讲过,之后我地就叼七巨,话巨唔守信用,吓到巨尿都标晒出黎,就唔敢再带我地去啦,跟住去个咩鬼虞山公园,都还可以啦,之后就自由活动啦,我地去行佐呢个正阳步行街,上次我黎都无去过,然后睇桂林夜景,真系整得好靓,可惜我部相机影佐几张就无电,惨,先影佐个日月双塔就无啦,仲有好多靓野都未影.不过都好啦,补番上次无睇到既夜景~~~~

 

第二日就去阳朔啦,一去到就好爽,导游即时就帮我地租单车等我地自由活动,我又踩车行番上次去玩个条路,虽然都系一样既路,但系心情唔同,天气都唔同,景色亦都好唔一样,因为家阵正系呢个油菜花开既时候,好想去影油菜花,但系发现好多都系白色个种,惟一见到大片黄色既系大榕树景区入面,但系我上次去过,又要钱入去,所以到最后都系无入去睇油菜花,好可惜啊~~~~~~

之后我地一路踩,行好多小路,去佐D唔知咩地方,个时我地班D人已经分散晒,我同阿苏阿良想去遇龙桥,但系一直都稳唔到边条路去,问人又唔知,搞到乱行跟住人地D旅游团去到月亮水岩,仲要跟埋入去玩,哈哈,居然唔洗钱就有得玩,不过系入面行佐一圈就好累,跟住再踩车番去,又行佐一条远路,走佐个大圈,踩到我地想死啦,后黎终于都番到西街~~~遗憾既系无去到遇龙桥~~~

番到去之后好饿,就一齐去食啤酒鱼啦,我已经系第三次食,依然系甘好食,哈哈~~~~

之后去酒吧玩,讲起就成壳眼泪,上次因为意外无系酒吧到弹吉它,我已经发誓今次一定要报仇,我地去到间BAR,刚好有两把吉它,个条佬唱歌好好啦,问巨俾我地弹,巨话可以,跟住我地就整左首原谅我今天,不过夹得唔系几好,条佬好欣赏我弹SOLO,就叫我同巨夹歌,就同巨玩佐首彩虹啦,不过弹错佐好多,哈哈~~~

最后再玩佐首星星亮了,就收工,去兴坪住宿,成日带我地去埋D鬼地方,惨到鬼甘,真系无野好讲~~

 

第三日游小漓江,我之前无去过,所以都几爽,不过天气唔系几好,加上D死人山,都系差唔多,无咩野好睇,去到20蚊人民币个度,发现都系有D唔同既~~~

 

跟住就番黎拉~~~~~~~~

        今个寒假真系实在太无聊啦,成日都唔知系度做乜好,成日对住部电脑又烦,又无心机弹吉它,同学又唔搞聚会,D人都唔知死晒去边.好彩都搞番两个旧同学,叫做系玩得埋啦,一次同埋阿东巨地打麻将通宵都算几爽~~~~

  

     终于都忍唔住啦,就决定同埋阿恩去KIKI度玩,因为巨系汕头,而我觉得汕头真系一个好神秘既地方,令到我十分向往,虽然大家都系广东,但系巨既语言同文化居然相差甘远,实在太神奇啦~~~~

 

      阿恩一过到黎,我地就买佐第二日既火车票,好贵啊,116蚊,当时真系估唔到甘贵,仲以为几十蚊搞掂,所以个时都系度谂去唔去好,不过算啦,巨一场黎到,点都要买架啦,点知仲要无座,惨~~~~

 

     上佐车之后发现好多人,企都企唔到,然后发现有个学生妹跟住我地,仲要俾个袋我地装野,我见巨甘主动,所以就搭上佐巨啦,先至知原来巨系佛大既,番汕头既屋企.   我地三条友无位坐,就企系车上倾计,之后又一齐搭上佐个列车员,发现列车员原来俾我地三个都要细!!!!!先得18岁!!!之后我地一齐玩,我地帮巨系车厢打扫卫生,巨俾我地入去列车员位置度坐,实在太爽啦~~~~

 

      晚点两个钟之后,终于都到佐汕头啦,KIKI即时就带我地去食宵夜,从个一刻开始,我就已经知道呢几日我都要撑大个肚皮先得啦(巨净系识得带我地去食)~~~

 

     之后几日巨带我地去食佐好多好多我听都未听过既野,好有特色,仲去佐好多地方玩,不过其实都系以食为主,所以呢次可以叫做汕头食之旅~~~~

 

 

每当夜静时，寂寞爬满我背后，
 脑中闪动初次相遇的你的温柔，
每次人潮涌动，兴奋令我更加忧愁， 
 手中的红玫瑰总让我觉得不够，
每当爱靠近，冲动早已涌上心头，
 而过后的落魄也让我无法开口，

 I"m waiting for you
等待梦中的你与我相遇，可我总在梦醒感到你的离去（感到不知所措），
 I"m waiting for you
等待心中的你与我再相见，可当我感觉到你却总是擦肩而过，

每当我独逛时，你身影总在左右，
 眼前浮现与你美丽的邂逅，
每次梦到你，感觉你那迷人双眸，
 可我总是无法将它看个通透，
每次我走在你轨迹上，莫名的颤动绕我全身

 脚下踏着熟悉的梦中的印痕

 

 

 

 

 

 

 

太耐无上黎啦,真系唔好意思,最近就快考试,好忙啊~~~

本来有好多相放上黎架,不过都无时间,可能要等到放假啦,到时就会有好多正野啦,哈哈~~

    11月5日

今日真系好难忘既一日啊,我地bluesky有机会上电视啊~~~

我地今日被邀请去拍MTV,哇,感觉好爽啊,系湖光岩D甘空旷既地方玩band,甘大个仔都系第一次,虽然只系为佐拍一D动作,但系摄影师都俾我地插电系湖光岩个石头前玩佐两首歌,之后就净系做一D好型既动作,好鬼过瘾~~~

 

    11月6日

今日又系一个好难忘既日子,对于我地学校黎讲,对于玩摇滚黎讲,对于我地乐队黎讲,都系.

海大第一次搞摇滚节,第一次有甘多次乐队一齐玩,系个酒吧仔入面,超爽啊~~~

总共有五支乐队:ROCK OF PARADISE,引擎,斑马线,NEVERLAND,BLUESKY,大家都玩到好颠,俾林行巨地班野搞起D气氛,最后到我地出场个时简直颠晒,个个跳晒出黎又跳又唱,然后我就唔知自己究竟弹乜,又俾人淋水,哇,好high啊~~~实在太正啦~~